A  PAH de  Vigo-Mos-Tui  precisa  urxentemente  axuda especializada e non especializada.      Na última semana, e debido á atención mediática que os desafiuzamentos teñen acaparado, chegáronnos multitude de casos novos que non somos quen de atender por falta de mans. En concreto precisamos axuda de avogados e psicólogos que desinteresadamente presten os servizos que poidan aos afectados, que en moitos casos non só padecen situacións de indefensión legal senon tamén depresións ou ansiedade. Na PAH facemos o traballo o mellor posible pero non temos a cualificación suficiente para abordar certos casos que se nos escapan, de aí este chamamento. Calquera outra axuda non especializada de persoas normais e correntes que desexen colaborar para paliar este drama será benvida e agradecida.

XUNTOS PODEMOS!!!

• Novas