Quedan dúas semanas para a celebración da Mostra do Posible!! Xa está pechada a programación de actividades… É o momento de comunicar qué imos facer na fin de semana do 7 e 8 de outubro para que a Mostra sexa un éxito.Finalmente somos 54 os colectivos e entidades sociais participantes!!. Podedes consultalos en www.mostradoposible.galDurante esa fin de semana vanse realizar 24 actividades: 6 mesas redondas, 2 presentacións, 2 charlas, 3 obradoiros, 3 actividades sociais, radio en directo, 2 actividades infantís, 4 concertos e unha intervención poética. Ademáis, haberá zona de acampada gratuíta e xantares a prezos populares.A programación completa das actividades presentarase en Santiago este xoves 28 de setembro ás 12:00. Con este acto a nosa intención é comunicar que a Mostra do Posible vai ter lugar en Cangas do Morrazo pero é un evento social de interese para toda Galicia. A Mostra do Posible é un encontro de movementos sociais e empresas de economía solidaria no que vai participar gran parte do tecido social galego. A finalidade da Mostra é visualizar que existen alternativas reais, democráticas, eficientes e fiables para construír entre todos un mundo máis xusto.

• Novas