Imos empezar polo principio: que os alugueiros teñan que actualizarse anualmente só ten sentido para garantir os beneficios dos propietarios, mentres que cada ano gastamos máis no alugueiro blablá.

Que pasou nos últimos anos?

Dende que comezou a crise da inflación en 2021, grazas á organización das inquilinas, o goberno viuse obrigado a moverse. Aínda que non conxelaron os alugueiros, entre marzo de 2022 e decembro de 2023 limitáronse as actualizacións anuais ao 2%. Durante 2024, limitouse ao 3%. Tras a Lei de Vivenda, o goberno prometeu un novo índice que faría fronte á inflación: unha vez máis volveron rir na cara de todas as inquilinas.

A partir de 2025, como será?

O novo índice, o Índice de Referencia para a Actualización de Arrendamentos de Vivenda (IRAV), entrou en vigor o 1 de xaneiro de 2025 e só se aplicará aos contratos de arrendamento asinados despois da entrada en vigor da Lei de Vivenda, o 25 de maio de 2023. Por tanto, depende do momento no que asinases o contrato:

• Se asinaches o contrato ANTES do 31 de marzo de 2015:

• Segundo o pactado.

• Se non se especifica, aplicarase o IPC xeral.

• Se asinaches o contrato entre o 1 de abril de 2015 e o 5 de marzo de 2019:

• Segundo o pactado.

• Se non se especifica, aplicarase o Índice de Garantía de Competitividade (IGC), que establece un máximo do 2%.

• Se o teu contrato non inclúe cláusula de actualización anual, non che poden subir o prezo!

• Se asinaches o contrato entre o 6 de marzo de 2019 e o 25 de maio de 2023:

• Segundo o pactado, sen superar o IPC.

• Se non se especifica, aplicarase o IGC.

• Se o teu contrato non inclúe cláusula de actualización anual, non che poden subir o prezo!

• Se asinaches o contrato DESPOIS do 26 de maio de 2023:

• Segundo o pactado, sen superar o IRAV (https://www.ine.es/dyngs/INEbase/es/operacion.htm?c=Estadistica_C&cid=1254736177110&menu=ultiDatos&idp=1254735976607).

• Se non se especifica, aplicarase o IGC.

• Se o teu contrato non inclúe cláusula de actualización anual, non che poden subir o prezo nin polo novo IRAV nin por ningún índice!

En resumo, a gran maioría das inquilinas volvemos quedar desprotexidas ante unha posible suba da inflación que nos afectará dobremente: no custo xeral da vida e na vivenda.

Que consecuencias ten o novo índice?

Este índice protexe moito menos que as medidas que tiñamos ata o de agora en períodos de inflación. Nos últimos anos, os alugueiros estiveron limitados ao 2% ou ao 3%, mentres que con este índice e cunha inflación do 10%, como a que tivemos, ¡os alugueiros poderían subir ata un 6%!

O goberno en xeral e o Ministerio de Vivenda en particular están a desprotexer a maioría de inquilinas, que nin sequera poderán adoptar este límite e sufrirán a inflación completa, xa que só se aplica aos contratos asinados despois de maio de 2023. Unha vez máis, fronte á gran crise da vivenda que vivimos, optan por medidas absurdas que seguen favorecendo os beneficios dos propietarios e o empobrecemento das inquilinas.

Lembremos que esta actualización só afecta á vixencia do contrato, porque cando este remata, a lei segue permitindo que te boten da casa sen dar explicacións… Por iso necesitamos contratos indefinidos sen actualización de prezos.

Que podo facer se o meu casero quere actualizar o prezo do alugueiro?

1. Revisa que di o teu contrato sobre as actualizacións da renda.

2. Consulta cales son os límites legais en función da data de sinatura do contrato.

3. Comproba se che notificaron correctamente a actualización e se o valor do índice aplicado é o correcto.

4. Afíliate ao Sindicato, acude á asemblea inquilina máis próxima e negocia para que non se aplique a suba.

Como se calcula o novo índice?

A fórmula para definir o IRAV é a seguinte: o valor mínimo entre a taxa de variación anual do Índice de Prezos de Consumo (IPC), a taxa de variación anual do IPC subxacente e as taxas de variación anual media axustada do IPC e do IPC subxacente, medidas como a diferenza entre as taxas de crecemento anual tanto do IPC como do IPC subxacente de cada mes e un parámetro de referencia que representa a inflación esperada a medio prazo, axustadas cun coeficiente moderador.

Se non o entendiches, non te preocupes; é normal porque parece que o fan a propósito para que non o comprendamos. Basicamente, a partir do 2%, súmase a metade da diferenza sobre o 2% inicial. A fórmula quedaría tal que así:

• Novas