Etiqueta: Asemblea

As orixes da PAHVigoTui_BM

As orixes da PAH (Plataforma de Afectados pola Hipoteca de Vigo, Mos, Tui, Baixo Miño e Redondela) remóntanse a outubro de 2011,meses antes nacéra en TUI , cando unha crecente inxustiza estaba a producirse, non só en Galicia senón tamén no resto de España, debido ás execucións hipotecarias que estaban a deixar milleiros de familias sen fogar e nunha situación precaria xa que, non só quedaban sen a súa casa, senón que ademais apandaban na maioría dos casos cunha débeda económica imposible de afrontar; ao mesmo tempo, vían impotentes como os Servizos Sociais lles quitaban os seus fillos por non ter un fogar adecuado para mantelos, sendo os meniños as testemuñas do drama familiar.  A PAH nace coa finalidade de loitar contra esta inxustiza social axudando a aquelas familias que, por razóns alleas á súa vontade, se viron  nunha situación complicada que afecta a todos os niveis da súa vida: persoal, familiar, social, económico…

Os métodos de loita da PAH consisten na mediación cos bancos para tentar conseguir que as persoas afectadas non perdan a súa casa e, no caso de poxa, loitar porque lles concedan un alugueiro social; a presión exercida sobre os Concellos para pedirlles que se sitúen respecto da Iniciativa Lexislativa Popular para a dación en pagamento, a paralización dos desafiuzamentos e o alugueiro social, para que aproben mocións declarándose activos contra os desafiuzamentos e creen comisións mixtas para tratar o asunto; e finalmente as protestas perante os bancos para deixar patente, non só aos poderosos senón ao pobo, a importancia de traballar unidos para lograr virar a situación, a unión para tratar de cambiar as leis e facelas favorables ás familias afectadas.

Dende o inicio da crise, en 2007-2008, foron xa 400 mil as familias que sufriron unha execución hipotecaria; moitas delas lograron ficar na súa casa grazas á presión exercida polas diferentes PAH que actúan por todo o estado. Moitas outras tiveron que abandonar o seu fogar co peto baleiro e o corpo arrasado. A PAH somos todos, persoas afectadas e non afectadas que en calquera momento poden perder o seu traballo e pasar a selo. É por iso que reclamamos a unidade do pobo para repeler o ataque ao ben tanxible máis esencial do ser humano, o seu lar, o seu recuncho, o seu refuxio. Porque a PAH é feita polo pobo, desde o pobo e para o pobo. Porque temos loitado, loitamos e non pararemos de loitar ata que cesen os abusos bancarios que, coa connivencia institucional e gubernamental, están literalmente rompendo familias e abocándoas á exclusión social, cando non á morte. Porque todos xuntos vamos ser quen de acabar con este xenocidio financeiro perverso, inxusto e cruel. Que lembren a nosa premisa: ‘Se non nos deixan soñar, non os deixaremos durmir’.

Palabra da PAH

Introducción do libro da PAHVigoTui-BM 6 anos de Loita (Proxima aparición )

RECEPCION CASOS ,Sabado 17 as 5,30

Recepcion de casos novos Sabado 17 as 5,30 pm

As ordes de expulsión de hipotecados e inquilinos morosos de Vigo aumentaron un 8 % no que vai de ano. En total, os xuíces enviaron 407 resolucións ao Servizo Común de Notificacións e Embargos desde xaneiro, o que supón tres desaloxos cada dous días.

A tendencia nos lanzamentos (execución do desafiuzamento) apenas variou.

O perfil do desafiuzado é, na súa maioría, un inquilino que non paga a renda de aluguer ao caseiro. Un aluguer alcanzable e estable .Subministracións Básicas garantidas ,Aluguer Social. É o que hoxe as familias e persoas demandan . Un aluguer alcanzable, que é difícil de atopar nun país marcado por un parque de aluguer social público insuficiente e pola existencia dun parque privado que carece de ningún tipo de regulación, de límite de prezos ,de duración e garantías ao inquilino si a esto sumamos a precariedade Son estas condicións imposibles que impiden conseguir un aloxamento adecuado ás súas necesidades e acorde ás súas posibilidades económicas para millóns de familias en España. O crecemento da pobreza en España causa que moitas familias non poden acceder ao mercado de vivenda ,recorrendo ao mercado de aluguer de vivendas en condicións penosa ou recorrer á Ocupacion

Non te quedes en Casa cóntanos teu caso o ven a axudar todas as mans son poucas

Mentres haxa desafiuzamentos, mentres se siga lexislando contra o pobo, estaremos aquí. Este sábado, 17 de febreiro, recepción de casos novos de desafiuzamento por aluguer ou hipoteca. Asemblea aberta. Ás 18:00 h, Parroquia Cristo da Vitoria.

Nova Asanblea da PAH :17 de MAIO

20140511-123146.jpg

Asemblea da PAH: sábado 22 de xuño ás 17hs na Cultural do Calvario

1014364_507798229274059_1746291409_n

Toca celebrar unha Asemblea que coma sempre será aberta a todos os cidadáns que queiran acudir e escoitarnos. Somos un colectivo horizontal apartidista, que non está atado a afiliacións políticas, sen estruturas ríxidas e formalismos, e que sempre permite que todos poidan expresarse, tanto cidadáns particulares como organizacións.
Non somos unha plataforma cerrada aos afectados senón un amplo movemento social que pretende reverter a inxustiza en materia de vivenda (unha de moitas) que se está a cometer  no noso país. Estamos convencidos de que o xeito de cambiar as cousas é implicar á cidadanía, e o problema dos desafiuzamentos é un drama  que a toda a sociedade afecta. Por iso axudamos aos que están nesa situación e loitamos para que ninguén se vexa nela.

Nesta Asemblea repasaremos territorialmente a situación, definiremos as liñas de actuación da PAH (imos presentar unha campaña de sensibilización e propoñer novas ideas que darán moito que falar). Remataremos como é habitual atendendo aos afectados caso por caso de xeito individual.

Se queres amosar o teu apoio á PAH, ven. Se queres coñecernos ou tes curiosidade por ver como somos e pensamos, ven. Se eres afectado, ven. Todos sodes ben recibidos porque xuntos #SiPodemos!!!